Kultur

D‘Kate Moss, den Alexander McQueen, d‘Young British Artists – D‘brittesch Moud an Konscht waren an den 90er Joren alles anescht wei langweileg. Eng Ausstellung am Tate Britain zu London probéiert dëst Joerzéngt anzefänken, wat awer net ëmmer geléngt. D‘Claire Barthelemy war fir eis kucken.

Muer an der Mëttesstonn gi mer endlech gewuer, wien ee Joer nom Laurent Mauvignier sengem Roman "La maison vide" de Prix Goncourt 2026 krut – ee Prix Goncourt, dee vill Welle geschloen hat, well ee vun de Favoritten, dem Thélyson Orélien säi Roman "C’était ça ou mourir", wéinst dem Verdacht, de Roman wier mat enger KI geschriwwe ginn, vun der Lëscht geholl gouf. An der leschter Selektioun sinn nach véier Bicher: "De l’autre côté du lac" vum Sylvain Prudhomme, "Choses que je croyais perdues" vun der Clémentine Mélois, "L’inconnue du quai de Javel" vum Philippe Jaenada an "La solitude des professeurs est infinie" vum Yannick Haenel. De Jeff Schinker ass haut beim Marc Clement am Studio, fir d’Romaner vum Haenel a vum Jaenada ze beschwätzen.

Muer an der Mëttesstonn gi mer endlech gewuer, wien ee Joer nom Laurent Mauvignier sengem Roman "La maison vide" de Prix Goncourt 2026 krut – ee Prix Goncourt, dee vill Welle geschloen hat, well ee vun de Favoritten, dem Thélyson Orélien säi Roman "C’était ça ou mourir", wéinst dem Verdacht, de Roman wier mat enger KI geschriwwe ginn, vun der Lëscht geholl gouf. An der leschter Selektioun sinn nach véier Bicher: "De l’autre côté du lac" vum Sylvain Prudhomme, "Choses que je croyais perdues" vun der Clémentine Mélois, "L’inconnue du quai de Javel" vum Philippe Jaenada an "La solitude des professeurs est infinie" vum Yannick Haenel. De Jeff Schinker ass haut beim Marc Clement am Studio, fir d’Romaner vum Haenel a vum Jaenada ze beschwätzen. Salut Jeff.

De Weekend feiert de bekannte Paräisser Club La Station eng vu senge leschte Partien a sengem aktuelle Gebai. Duerno steet fir dës Paräisser Institutioun eng ongewëss Zäit un. La Station ass awer net deen eenzege Club, deen dëst Joer zu Paräis seng Dieren zoumaache muss. Alternativ a queer Espacë ginn et an der franséischer Haaptstad ëmmer manner. De Max Tholl war virum Closing nach eemol laanscht kucken.

De Coming-of-Drama beschäftegt sech mam Magma vun de jugendleche Gefiller wärend engem Neapel-Ausfluch. Et ass den Debutfilm vun der franséischer Realisatrice Marine Atlan. Eng Kritik vum Michel Delage.

A sengem ganz perséinlechen Documentaire "Boxing Stories" erzielt den Alain Tshinza d'Geschicht vum Boxsport zu Lëtzebuerg a besonnesch am Minett. Virun allem exploréiert hien d'Wuerzele der kongoleesescher Diaspora hei am Land. E Gespréich mam Michel Delage.

E Mord am eegene Wunngebai gëtt fir dräi Noperen zu New York den Ufank vun enger ongewéinlecher Frëndschaft – an engem True-Crime-Podcast. Am Serientipp stellt d'Alannah Meyrath d'Serie Only Murders in the Building vir an erkläert, wat se esou spannend a gläichzäiteg witzeg mécht.

Der Anne Godard hire Roman "Nous aussi" huet als ee vun de Favoritte vum Prix Goncourt gegollt. Leider huet en et net an déi lescht Selektioun vum prestigiéise Präis gepackt, wéi den Dënschde verkënnegt gouf. Op genee deem Dag huet en awer een anere Präis kritt: de Prix Décembre. De Jeff Schinker ass haut beim Marc Clement am Studio, fir eng Analyse vun der Shortlëscht vum Goncourt a vum Roman "Nous aussi" ze maachen.

Am Virfeld vun de Walfer Bicherdeeg gëtt den 19. November de Lëtzebuerger Buchpräis an dräi Kategorie verginn. Wéi eng Bicher op der Shortlëscht stinn, gëtt haut publizéiert. Valerija Berdi mat Detailer. Kategorie „Literatur“ „Spawecken“ (Kremart) vum Jemp Schuster „Angstvoll und leicht sehnsüchtig“ (Hydre-Verlag) vum Emma Braslavsky, Luc François, Anja Kümmel und Benjamin von Wyl „Enfanter une étoile qui danse“ (Hydre-Verlag) vum Amélie Vrla „De Léiw gëtt rout“ (Kremart) vum Jean-Paul Maes „Toujours jamais“ (éditions guy binsfeld) vum Joseph Kaysers Kategorie „Sachbücher“ „Temps de Trajet. Routes, frontières et heures disparues aus marges du travail au Luxembourg“ (Point Nemo Publishing) von Jessica Lopes „,Indésirables‘ aus Übersee. Migrant*innen aus Luxemburg am Anfang des 20. Jahrhunderts“ (capybarabooks) von Julia Harnoncourt „Halldór Laxness – En Nobelpräis zu Clierf“ (Editions Phi) von Alexis Werné „Vive d’Republik! Republikanismus und Monarchiekritik in Luxemburg: Eine Spurensuche“ (Editions Phi) von…

Am Virfeld vun de Walfer Bicherdeeg gëtt den 19. November de Lëtzebuerger Buchpräis an dräi Kategorie verginn. Wéi eng Bicher op der Shortlëscht stinn, gëtt haut publizéiert. Valerija Berdi mat Detailer. Kategorie „Literatur“ „Spawecken“ (Kremart) vum Jemp Schuster „Angstvoll und leicht sehnsüchtig“ (Hydre-Verlag) vum Emma Braslavsky, Luc François, Anja Kümmel und Benjamin von Wyl „Enfanter une étoile qui danse“ (Hydre-Verlag) vum Amélie Vrla „De Léiw gëtt rout“ (Kremart) vum Jean-Paul Maes „Toujours jamais“ (éditions guy binsfeld) vum Joseph Kaysers Kategorie „Sachbücher“ „Temps de Trajet. Routes, frontières et heures disparues aus marges du travail au Luxembourg“ (Point Nemo Publishing) von Jessica Lopes „,Indésirables‘ aus Übersee. Migrant*innen aus Luxemburg am Anfang des 20. Jahrhunderts“ (capybarabooks) von Julia Harnoncourt „Halldór Laxness – En Nobelpräis zu Clierf“ (Editions Phi) von Alexis Werné „Vive d’Republik! Republikanismus und Monarchiekritik in Luxemburg: Eine Spurensuche“ (Editions Phi) von…

De Face-à-face tëschent dem Organisateur vun der franséischer Resistenz Jean Moulin (Gilles Lellouch) an dem Gestapo-Chef vu Lyon Klaus Barbie (Lars Eidinger) steet am Mëttelpunkt vu "Moulin". A sengem historeschen Drama konzentréiert sech den ungaresche Cineast László Nemes op déi lescht Wochen a Méint vum grousse Widderstandskämpfer. De Michel Delage huet de Film gesinn.

An eise Kinoen ass des Woch déi extravagant Horror-Farce "Die Blutgräfin" ugelaf. Dës Lëtzebuerger Amour fou Co-Produktioun ass d'Wierk vun der däitscher Avant-garde-Kënschtlerin Ulrike Ottinger. D'Roll vun der Vampirin, déi am zäitgenëssesche Wien erwächt fir do hiert Onwiesen ze dreiwen, ass der Filmdiva Isabelle Huppert op Mooss geschneidert. De Michel Delage huet um Luxfilmfest am Mäerz mat der franséischer Actrice geschwat.

Nea Lone ass de Projet vun der Organistin Nadja Prange, an hiren éischten Optrëtt den 13. August 2013 um Pangea-In-Love-Festival zu Ëlwen. Si spillt och nach an aner Formatioune wéi z. B. bei Fred Barreto Group an Nicool. Bis 2023 huet si och bei Le Vibe matgespillt. Mir schwätze mat hir iwwert hir lescht Single “Mayday” a kréien ee Scoop op... en Album.

Sechs Dichter:innen a fënnef Kënschter:innen aus der Bildender Konscht an Architektur sinn an den Dialog getrueden, woubäi jiddereen de Sujet vum eegne Bäitrag konnt auswielen. Dobäi ass d‘Buch mam Titel „Constellations“ eraus komm, dat am Point Nemo Verlag eraus komm ass. Valerija Berdi mat Detailer.

Gëschter Owend war am Mudam Edward-Steichen-Award-Zeremonie: Laureatinne sinn déi zwou plastesch Kënschtlerinnen Alexandra Uppman an Nazanin Hafez. Beim ESAL, also dem Edward Steichen Award Luxembourg, handelt et sech net just ëm eng Trophée an/oder e Präisgeld: D'Auszeechnung beinhalt eng Konschtresidenz vu 4, respektiv 6 Méint zu New York. Dëst, well “The Big Apple” fir den Edward Steichen eng wichteg Inspiratiounsquell war. Den ESAL2026 ass gëschter a Presenz vun der Groussherzogin an dem Kulturminister Eric Thill iwwerreecht ginn. Fir eis war d’Kerstin Thalau do.

"Sterne glänzend im angebissenen Apfel" aus dem Wallstein Verlag spigelt de Bréifwiessel erëm, tëschent dem Peter Handke an dem däitschen Diplomat an Dichter Manfred Osten. Zwee géigesätzlech Charakteren treffen hei op eneen, bleiwen awer trotz esou muncher Differenzen iwwert Joerzéngten a Kontakt. Wat sech aus dëser Korrespondenz ergëtt, dat verréit eis elo de Léon Rinaldetti.

De leschte Freideg war an der Escher Konschthal de Vernissage vun der Expo “Ruin Echoes”. Multidisziplinär zäitgenëssesch Aarbechte vu 45 Kënschtler:innen bidde keng romantesch oder nostalgesch Vuen op d’Vergaangenheet: Et handelt sech ëm gesellschaftskritesch Analyse vu Monumenter, vum urbanistesche Raum als Spannungsfeld. Dat, wat vläicht fir d’Éiwegkeet geduecht war, léisst sech no an no op. Allerdéngs gesinn en etlech Kënschtler:innen d’Dekonstruktioun och als Neiufank. An dozou wollt d’Kerstin Thalau vum Curateur vu “Ruin Echoes”, de Christian Mosar, Direkter vun der Escher Konschthal, méi gewuer ginn.

Den Iwwerbléck vun der aktueller Filmprogrammatioun mam Michel Delage.

Wat geschitt mat de Projeten, déi eng Kënschtlerin ufänkt an net fäerdeg mécht? Dat weist Sophie Calle, déi franséisch konzeptuell Kënschtlerin, an enger grousser Ausstellung an England. Hei geet et ëm alles dat, wat feelt. D‘Claire Barthelemy war fir eis kucken.

An hirem neie Roman „Pony Show“ hëlt déi renomméiert däitsch Schrëftstellerin Juli Zeh d‘Lieser:inne mat op d‘Geriicht. Ner iwwerraschend, d'Juli zeh selwer ass Juristin. Hei geet et awer ëm méi wéi just eng Gerichtsaffär, D‘Valerija Berdi huet „Pony Show“ gelies. De Roman ass am Luchterhand Verlag erauskomm.

De Schrëftsteller Guy Helminger ass fir dräi Méint op Istanbul geplënnert, wou hien Interviewe mëscht, fir aus dëse Stëmmen e Buch iwwer d’Stad um Bosporus entstoen ze loossen. Viru véier Joer war hie schonn eng Kéier e puer Méint do. Huet sech eppes verännert? Wéi steet et mat der Fräiheet? A kann een nuets iwwerhaapt nach a Rou säi Béier drénken?

Wat geschitt mat der Konscht, wann de Krich ausbrécht? Schaffe Kënschtler a Kënschtlerinnen weider, an ënnert wéi engen Ëmstänn? Fir Äntwerten ze fannen, ass déi brittesch Journalistin Chalotte Higgins iwwer dréi Joer ëmmer rëm an d‘Ukraine gereest. D‘Claire Barthelemy huet hiert neit Buch gelies.

De belsche Realisateur Lukas Dhont setzt a sengem Drama "Coward" d'Léift tëschent zwee Zaldote virum Hannergrond vum Éischte Weltkrich an Zeen. Eng Mamm, déi sech an hir Kanner virun enger Sekt wëll retten, ass de Sujet vum Guillaume Canet sengem Thriller "Karma". De Michel Delage huet déi zwee Filmer gesinn.

Gëschter owend ass am Musée d’Art Moderne zu Paräis de Kënschtlerduo Brognon-Rollin, vu Lëtzebuerg, mam Prix Marcel Duchamp ausgezeechent ginn. Dat hutt dir eventuell scho bei eis an den Neiegkeeten héieren. Mee woufir steet eigentlech de Präis an eben och den Duo Brognon-Rollin? Dat erkläert iech elo d’Kerstin Thalau.

Déi legendär Serie geet elo schonn an déi 29. Staffel. De Simon Larosche huet sech déi éischt Episoden ugekuckt an erzielt eis, ob de legendären Humor an d'Gesellschaftskritik nach ëmmer do ass.

Virun engem Mount hate mir iech mat an der Véronique Kolber hier nei Foto-Expo am Konschtzentrum Dominique Lang zu Diddeléng geholl. Ënnert dem Titel “Deceptively quiet - d’Rou täuscht” thematiséiert d’Fotografin hier posttraumatesch Erfarung: 1 Joer nodeems hier Duechter ganz uerg blesséiert gi war, konnt si 6 Méint laang net méi schlofen. Fir sech ofzelenken, huet si Selfië gemaach; um Enn hat si eng 3’000 Opnamen zesummen, op deenen net si, ma bal apathesch bal gerëselt Francis-Bacon- bis David Lynch änlech Fratzen an der Däischtert ze erkenne sinn. Gëschter owend hat d’Véronique Kolber de Psycholog Sacha Bachim fir eng Konferenz an hier Expo invitéiert. D’Kerstin Thalau war do an ass méi iwwert d’Relatioun Trauma a Konscht gewuer ginn.

Zwou Schwësteren zerstreiden sech ëm d'Ierfschaft an der kroatescher Drama-Komedie "Honey Bunny". An der georgescher Tragi-Komedie "Guria", eng Lëtzebuerger Co-Produktioun, geet et ëm déi chaotesch Sich vun engem Witmann no eng neier Fra. Kriticke vum Michel Delage a Valerija Berdi.

Wéi wäit geet een fir engem anere Mënsch ze gefalen a fir en net ze verléieren? E Coming-of-age Roman iwwer toxesch Frëndschaft an onbegrenzt Bereetschaft zu Gewalt ass der Franziska Gänsler hire Roman „Orca“, deen am Verlag Kein & Aber erauskomm an och op der Shortlëscht fir den däitsche Buchpräis stoung. D‘Valerija Berdi huet d‘Buch gelies.

D'Zwangssteriliséierunge vu Roma-Fraen an der deemooleger Tschechoslowakei ass de Sujet vun "Only beautiful things to look at". Aus der Perspektiv vun engem jonke Meedchen erzielt "Dua" déi politesch Kris Enn den 90er Joren an der fréierer südserbescher Provënz Kosovo.

Déi zweet Selektioun vum Prix Goncourt ass eraus, an et bleiwen aacht Bicher op der Lëscht. “De l’autre côté du lac” vum Sylvain Prudhomme, “Minotaure” vum Boris Bergmann a “Choses que je croyais perdues” vun der Clémentine Mélois huet de Jeff Schinker scho rezenséiert, an haut ass hie beim Marc Clement am Studio, fir Le fabuleux piano vun der Sonia Devillers ze beschwätzen.

Iwwermuer Freideg, den 23. Oktober fänkt an eiser franséischer Nopeschstad Villerupt den 49. Festival du Film Italien un. A Kinossäll zu Villerupt, mee och zu Diddeleng an Esch gëtt d’Crème de la Crème vum neien - a vum alen - italienesche film gewisen, gefeiert, an natierlech a Competitioun gesat – well Festivalauszeechnungen décidéieren och, wéi eng Filmer um Enn distribuéiert ginn. Ee vun deene jonken Universtairen, déi Enn 1976 de Festival an d’Liewe geruff hunn ass den Oreste Sacchelli, Prof op der Uni zu Nanzeg an Auteur vu Bicher iwwer déi italienesch Realisateuren Benigni, Giordana an Nichetti. Och dir sidd invitéiert, op dir lo, wéi vill Leit an eiser Regioun, italienescht Blutt hutt, oder net. An engem Gespréich mam Oreste Sacchelli gouf de Marc Clement de muere méi gewuer.

Dräiecker, Quadrater, Linnen...fënnt een iwwerall, sief et an der Natur, de Wëssenschaften oder der Konscht. Mee wat soen all di Formen iwwert d’Liewen, di Welt ronderëm eis aus? “Shapes – Beyond Geometry” ass eng nei Expo am Ratskeller vum Cercle Cité, an däer Wëssenschaft a Konscht matenee dialogéieren, fir de Visiteuren di subtil Logiken an Transformatiounsprozesser hannert de Forme méi gräifbar ze maachen. Di 24 Wierker vu 14 internationale Kënschtler:innen a Wëssenschaftler:innen si vu 4 Curatricen a Curateure selektionéiert ginn. Dat kléngt elo schonn nees komplex? Keng Angscht, d’Kerstin Thalau huet ENG Curatrice selektionéiert, fir iwwert d’Expo ze schwätzen: d’Anna Loporcaro.

Onsécherheeten an der Koppel, dat ass de Sujet, deen déi zwee Filmer vun haut verbënnt. De Michel Delage schwätzt iwwer den tschechesche Film "Everything as it should be" an de rumänesche Bäitrag "A Safe Place".

De Michel Delage mat den neie Filmer déi dës Woch ulafené

D'Rockhal huet op enger Pressekonferenz hiren Open-Air-Programm fir de Summer 2027 virgestallt. Dorënner de brittesche Museker Sting deen de 15. Juni op de Belval kënnt. Déi belsch Popsängerin Angèle steet den 20. Juni op der Bün, an de 25. Juni suergen déi däitsch Hip-Hop-Legenden Die Fantastischen Vier fir Stëmmung Op der grousser Plaz virun der Rockhal. Nächste Méindeg gëtt dann nach e weidere groussen Numm annoncéiert.

Am Sozialdrama "Shame and money" kritt eng Koppel vu Baueren an der kosovarescher Haaptstad Pristina déi sozial Klassenënnerscheeder voll ze spieren. De polneschen Drama "Tell me what you feel" kombinéiert eng "boy meets girl"-Geschicht mat engem sozial-therapeuteschen Usaz. Zwou Film-Kriticke vum Michel Delage.

D‘Sally Rooney ass eng gefeiert jonke Schrëftstellerinnen aus Irland déi weltwäit méi wéi 6 Milliounen Bicher verkaaf huet. Zu hire Lieser zielen ënnert anerem de Barack Obama an d‘Taylor Swift. Mee elo ginn hir Bicher a Groussbritannien net méi verkaaf. Firwat, dat erkläert d‘Claire Barthelemy.

De Schrëftsteller Guy Helminger ass fir dräi Méint op Istanbul geplënnert, wou hien Interviewe mëcht, fir aus dëse Stëmmen e Buch iwwer d’Stad um Bosporus entstoen ze loossen. Viru véier Joer war hie schonn eng Kéier e puer Méint do. Huet sech eppes verännert? Wéi steet et mat der Fräiheet? A kann een nuets iwwerhaapt nach a Rou säi Béier drénken?

Dëse Weekend invitéiert d’AAPL op hir -ewell- traditionell Portes Ouvertes. AA...? D’Associatioun vun den Artistes Plasticiens vu Lëtzebuerg, déi eng éischte Kéier 2008 vum Kënschtler Menn Adam gegrënnt gi war. Ma esou richteg aktiv ass d’Gewerkschaft eréischt zanter 2013, dëst duerch d’Initiativ vun de Kënschtler:inne Trixi Weis, Catherine Lorent a Bruno Baltzer. Viru gutt 5 Joer huet d’AAPL um Verluerekascht en Haus mat Kënschtleratelieren ageweit, an do ass dëse Samschden a Sonnden “Open House”, Kerstin Thalau.

D'Geschicht vum Jean Valjean, deen sech no selwer erlieftener Ongerechtegkeet fir Gerechtegkeet asetzt. De Fransous Fred Cavayé liwwert eng weider Verfilmung vum Victor Hugo sengem populäre Meeschterwierk. Eng Kritik vum Michel Delage.

Der Agnieszka Holland hire Kafka-Biopic setzt sech mam historesche Personnage mee och der Ikon vun der Massekultur auserneen. Eng Kritik vum Michel Delage.

Am déiwe Süde vun den USA probéieren déi zwee Detektive Rust Cohle a Marty Hart de Mord un der 28-järeger Dora Lange opzeklären. De Gilles Schreurs léisst déi éischt Staffel vun "True Detective" Revue passéieren.

Geschriwwe wärend pre-revolutionnären Onrouen a Russland am Joer 1905, beliicht dem Gorky säin Text déi sozial Konflikter tëscht der Elite an dem "Rescht".vun der Gesellschaft, an touchéiert eng Ronn Punkten, déi sëch och haut wonn ufillen. Universell genuch, fir d'Stéck an eis Zait ernazehuelen, an äus de Parallelen eppes ze zéien, villaicht esouguer Hoffnung? Des an aner Froe beäntfert d'metteuse-en-scène um Mikro vum Marc Clement.

Eng jonk Fra mécht sech no der Première aleng op eng Rees a Griicheland, de Rucksak voll gepak mat Suergen an Zweiwel. A sengem zweete Long-métrage thematiséiert de Lëtzebuerger Lukas Grevis den Deuil, déi ambivalent Geschwëster-Relatiounen an d'Orientéierungslosegkeet vu Jonke vun haut. Eng Kritik vum Michel Delage.

No sengem amerikaneschen Exil geet den Thomas Mann 1949 mat der Duechter Erika op Tournée duerch Däitschland. De polnesche Realisateur Pawel Pawlikowski weist a sengem Drama, wéi de weltberüümte Schrëftsteller virun de Ruine vun der Geschicht a vu sengem perséinleche Liewe steet. Eng Kritik vum Michel Delage.

Déi zweet Selektioun vum Prix Goncourt ass eraus, an et bleiwen aacht Bicher op der Lëscht: “L’inconnue du quai de Javel” vum Philippe Jaenada, “Nous aussi” vun der Anne Godard, “De l’autre côté du lac” vum Sylvain Prudhomme, “Le fabuleux piano” vun der Sonia Devillers, “La guerre éternelle” vum Olivier Rolin, “La solitude des professeurs est infinie” vum Yannick Haenel, “Minotaure” vum Boris Bergmann a “Choses que je croyais perdues” vun der Clémentine Mélois. An den nächste Wochen beschwätzt de Jeff Schinker aacht Wierker vun der Selektioun, éiert mer de 27. Oktober gewuer ginn, wien déi véier Finaliste sinn an den 3. November, wien de Gewënner ass. Haut beschwätzt de Jeff Schinker, no "De l’autre du lac", ee weidere vu senge Favoritten: dem Boris Bergmann seng Autofiktioun "Minotaure".

Kuerz no den “Journées de l’Architecture” stinn tëscht dem 16. an 18. Oktober eis national ”Journées du Patrimoine” an d’Haus. Si sollen d’Ëffentlechkeet dësen Hierscht fir de Sujet “Patrimoine en péril: raviver, résister, réinventer” sensibiliséieren. De komplette Programm fannt dir op journeesdupatrimoine.lu. D’Kerstin Thalau stellt iech elo e Projet vir, bei deem en architektonesche Patrimoine “en péril” war, ma no intensiver Recherche “reparéiert” konnt ginn. Deen Terme hat déi zoustänneg Architektin gewielt: d’Diane Heirend schwätzt effektiv vun “dem Moler Joseph Kutter seng Villa um Lampertsbierg reparéieren”.

De Raichtum vun der Lëtzebuerger Musekszeen huet sech ann deene lescht Joren decupléiert. Am Beraich New Wave Art Pop si Sheebaba et am Moment, déi déi de Fändel héichhalen. Düster, e bësse mysteriös a couragéiert, erennerend un dem Gaby Delgado-Lopez an dem Robert Görl hire projet DAF an de fréieren 80er. Sheebaaba hu viru kuerzem nei Musek opgeholl a brléngen de 7. November am Gudde Wëllen hir nei Plack Haut eraus. Eng halschent, de Julien Hübsch, ass eis zougeschalt fir ee klenge Scoop.

Déi zweet Selektioun vum Prix Goncourt ass eraus, an et bleiwen aacht Bicher op der Lëscht: “L’inconnue du Quai de Javel” vum Philippe Jaenada, “Nous aussi” vun der Anne Godard, “De l’autre côté du lac” vum Sylvain Prudhomme, “Le fabuleux piano” vun der Sonia Devillers, “La Guerre éternelle” vum Olivier Rolin, “La solitude des professeurs est infinie” vum Yannick Haenel, “Minotaure” vum Boris Bergmann a “Choses que je croyais perdues” vun der Clémentine Mélois. De Roman vun der Mélois huet de Jeff Schinker scho rezenséiert, an den nächste Wochen beschwätzt hien déi siwen aner Wierker vun der Selektioun, éiert mer de 27. Oktober gewuer ginn, wien déi véier Finaliste sinn an den 3. November, wien de Gewënner ass. Haut schwätze mer iwwert ee vun dem Jeff senge Favoritten: dem Sylvain Prudhomme säin "De l’autre côté du lac".

D'Ekipp vum Radio 100,7 denkt quasi all Dag un d’Kënschtlerin Trixi Weis. Op eiser Fassad ass jo der Sculptrice a Multimedia-Kënschtlerin hir “City clock” ze gesinn, eng vertikal LED-Auer, déi een am Fënnef-Minutten-Takt liese kann. Konscht fir den ëffentleche Raum vun 2013. D'Zäit beschäftegt d’Trixi Weis awer och haut nach ëmmer: aktuell presentéiert si an der Cité de l’image, also zu Klierf, d’Ausstellung “Once upon a time”. An dowéinst huet d’Kerstin Thalau d’Trixi Weis haut an de Studio invitéiert.